اثريه ثقافيه

29 ديسمبر، 2009

الخط الهيروغليفى







تعرفنا عن مفهوم اللغه اكيد حابين تعرفوا اكتر عن خطوطها وخليكوا فاكرين كويس قوى الحته دى خطوطها وليس لغتها عشان فى ناس كتير بتخطأ وبيقولوا عليها لغه طب ازاى واللغه ماهى الا عباره عن خطوط مانيجوا كده معايا نتعرف على خطوطها ونشوف بجد هى طلاسم بجد ولا ايه نظامه ولا دى لغه شيقه جدا تدعوا للاهتمام ومعرفه المزيد عنها.
قدرنا من خلال الاثار التى عثرنا عليها ان احنا نعرف ان اللغه المصريه القديمه دى كتبت بأربع خطوط مختلفه وهى " الهيروغليفيه، الهيراطيقيه ، الديموطيقيه،القبطيه " متتخضوش كده الخطوط دى كلها مظهرتش مره واحده،دى ظهرت فى ازمنه مختلفه على مدار تاريخ الحضاره المصريه ، اكيد نفسكوا تعرفوا ليه المصرى القديم مكتفاش بخط واحد وريحنا وخلاص..... والله ما متعب بالعكس هتعجبكوا دماغ المصرى القديم ده لما تعرفوا السبب ،عايزين تعرفوا ليه طبعا ، شكلى انا كده متعبه.....الراجل المصرى القديم ده يا جماعه من الاخر دماغ كان كل ماحياته تتطور وتتقدم كان بيدور على اللى يساعده عشان يتقدم ويواكب عصره .... طب شوفوا كده عصرنا دلوقتى هنلاقى ميت حاجه علشان نقدر نبتكر ونطور ونتقدم ديما نبحث عن اللى يساعدنا عشان ننجز بسرعه فاكريين الجوابات زمان دلوقتى بتكه واحد من على الكومبيوتر بتاعك تقدر تبعت ايميل الى اى مكان فى العالم والعمليه دى لا تستغرق الا ثوانى معدوده...... يعنى حلو ان الانسان يطور من نفسه ويواكب عصره وده اللى عمله المصرى القديم..... يعنى المصرى القديم ده كان عنده دماغ حلوه بردو كل ماحياته تتطور كان بيحب يضيف على حضارته المزيد ويواكب عصره، المره دى هكلمكوا عن الخط الهيروغليفى وهستكمل حديثى عن باقى الخطوط على أجزاء ان شاء الله.




الخط الهيروغليفى
يعتبر الخط الهيروغليفى اولى الخطوط التى كتب بها المصرى القديم لغته، وعلى فكره الباحثون وعلماء المصريات بيأكدوا ان الهيروغليفيه هى اصل لغات العالم كله ماعدا ابجديات شرق اسيا.
وكلمه هيروغليفى دى تعنى حرفيا " الكتابه المقدسه " طبعا هتسألوا ليه عرفت بالمعنى ده......... انا هجاوبكم لان الكتابه دى كانت تكتب على جدران الاماكن المقدسه ذى المعابد المقابر، وكمان كان لبها اسم تانى تقدروا تقولوا اسم الدلع بتاعها اللى هو" الكتابه المنقوشه " لان الخط ده كان المصرى القديم كان بينفذه بأسلوب نقش بارز او غائر على جدران الاثار سواء الثابته " اللى هى مبتتحركش ولا يمكن نقلها
مثل المعابد ، او اللاثار المنقوله "اى التى يمكن نقلها من مكان لاخر "زر التماثيل ، الصلايات او اللوحات" معنى كده ان الهيروغليفيه دى كان لبها معنيين الاول " الكتابه المقدسه" والتانى كان "الكتابه المنقوشه " ذى حسن و أبو على كده.
اما كلمه هيروغليفى دى نفسها اشتقت من الكلمتين اليونانيتين " هيروس" ، وجلفوس" بس ده بعد كده فى الحضاره اللى جات بعد الحضاره المصريه خليكوا فاكرين بردوا ان احنا بلغتنا دى نقدر نثبت ان الحضاره اليونانيه دى جات بعدنا ودى حقائق ثابته مش محتاجه نقاش " يعنى نقدر نقول ان هما قلبةها بلغتهم اليونانيه وسموها كده ليس اكتر" ذى مثلا يلعب بالعربى ، اتغيرت فى الانجليزى وبقت PLAY




شكلها
الكتابه الهيروغليفيه دى كانت بتتكون من مجموعه من النقوش استمدت هذه النقوش من البيئه المصريه اى كانت كتابه تصويريه بالاضافه الى جانب وجود حروف نحو 24 حرفا ، بمعنى انها كانت مصوره تتكون من صور لاشكال معينه مضاف اليها بعض الرموز للتعبير غن العناصر الصوتيه
اسنخدماته
استخدم المصرى القديم الخط الهيروغليفى الخط ده لتقش النصوص الدينيه على جدران القصور والمعابد والمقابر واسطح التماثيل والالواح الحجريه المنقوشه والالواح الخشبيه الملونه وكان بيعتبره تسجيل وفننا زخرفيا لهذا برع فى نقشها لدرجه تخليك تقول ايه ده مش ممكن تطلع من تحت ايا رسام ابد ولا نقاش ولا حد فى زمنا ده يقدر يقلدها ......... بصراحه كانوا ناس ناس يعنى بتشتغل وبذمه قوى شوفوا المنظر ده


كيف تكتب وتقرأ
يعد نظام الكتابه الهيروغليفيه نظام مرن جدا يكمن ان يكتب من على اليمين او من على اليسار او من اعلى الى اسفل او من اسفل الى اعلى وتقدر تعرف السطر بيبتدى منين من خلال اتجاه العلامه.
ظهرت وانتهت امتى
تشير الدلائل الاثريه الى ان المصريون القدماء عرفوا الكتابه الهيروغليفيه فى عصور ما قبل التاريخ وظلت هذه الكتابه سائده لفتره طويله تزيد لأربعه الاف سنه اى انها اقدم الخطوط التى استخدمها الانسان فى الكتابه.

العلامات الهيروغليفيه
انقسمت العلامات الهيروغليفيه الى قسمين:
علامات صوتيه ودى بتعطى قيمه صوتيه لحرف واحدوالتى تعرف تجاوزا بالابجديه
وعلامات تصوريه استخدم فيها صور من بيئته علشان يقدر يعبر عن فكرته وكان بيتبعها بعلامه قائمه علشان يأكد معناها
ومن هنا يمكن القول بأن الخط الهيروغليفى من اقدم الخطوط المصريه القديمه ، وبالتالى هو اصل لمعظم لغات العالم ، وعشان كده عمر ما التاريخ هيقدر ينسى فضل المصريين القدماء دول غلى الانسانيه كلها فى معرفه واختراع اللغه .
اتمنى ان يعجبكوا وياريت تدونوا تعليقاتكم علشاتن استمر

27 ديسمبر، 2009

اللغه المصريه القديمه

تعتبر اللغه المصريه القديمه واحده من ابرز الموضوعات الرائعه التى تخص حضارتنا الجميله " الحضاره المصريه القديمه " حيث يعد احد اهم الموضوعات الهامه لدارسى الاثار والحضاره المصريه القديمه والتى بحق يعجب الدارس بمدى ذكاء المصرى القديم عند دراسته لها وكيف ابتدع لنا لغه مثل هذه كانت ولاتزال من اقدم لغات العالم اجمع.
واثناء دراستى لها اعجبت بها كثيرا واحببتها ، على الرغم من ان هناك ممن يخالفنى هذا الراى ، ويجدونها من اصعب المواد التى يقمون بندريسها ولا اعلم لماذا ؟ لذا اردت ان اتناقش فى هذا الموضوع حتى استطع ان اقدم رؤيه مختلفه تكون اكثر بساطه واقل صعوبه بشكل مختلف.
وقبل التحدث عن اللغه المصريه القديمه بخطوطها الاربعه، سنحاول معا ان نتحدث بايجاز عن اللغه بشكل عام ، ونحاول معا ان نجد ايجابات لبض الاسئله التى دائما ما تدور فى اذهانا.
مفهوم ونشاه اللغه المصريه القديمه.
اثناء محاضرتى الاولى لماده اللغه المصربه القديمه دار فى راسى عدد من الاسئله كان ابرزها لماذا اخترعت هذه اللغه اساسا؟؟؟؟؟؟وياترى بشكلها ده وطلاسمها دى دى لغه اصلا ولا بيضحكوا علينا .....لاتتعجبون بل واكثر من ذلك كنت ارى مثلكم ان الناس دى ناس فاضيه وان ده كلام فاضى واحنا بندرسها ذى اى ماده عشان ننجح وخلاص....بس اكيد الكلام ده مش صح ومش ممكن يكون كده فكيف يكون هكذا وحضارتنا من اعظم حضارات العالم الذى مازال يتحاكى ويتحدث عن ثقافتها وفنونها وادابها.
طب ماتيجوا سوا نفكر بعض ونسال نفسنا كده ، البلدى كده ايه اللى خلى الناس دول يخترعولنا لغه من النظره الاولى لها نقول ايه ده دى ناس فاضيه ياعم ، ايد وبطه وزه ورجل دى ناس بترسم بتتسلى يعنى .....ده كلام طب ليه نظلم الناس دول بس ، طب ممكن نستخدم مخنا شويه ونفكر شويه بس صغننين وبلاش الافشه دى على الناس،مش انا وانت وغيرنا علشان نقدر نتفاهم مع بعض بنحتاج لغه ، كلام يعنى ، هما كما زينا بالظبط جه عليهم الوقت واحتاجوا لغه علشان يقدروا يتفاهموا مع بعض وده ظهر مع استرار المصرى القديم ومعرفته للزراعه وتكوينه مجتمعات سكنيه ،ولكن الكتابه واللغه لم تظهر فجأه بل اخذت وقتها ويبدو انهم استخدموا فى البديه "لغه الاشاره " والبتدريج قدر يعبر عن افكاره ، ولكن الاشاره وحدها لم تكن كافيه فبدا يبحث عن وسيله ثابته يعبر بيها عن افكاره واخترع الكتابه وبدات معها اللغه اللى استمد علامتها من بيئته الطبيعيه التى يعيش بها وعشان كده ظهرت بطه وايد ورجل .
ومن هنا يمكن القول ان اللغه هى:
اللغه هى السمه المميزه لحياه شعب من الشعوب ، بمعنى هى دى اللغه اللى ميزت الشعب ده فى الفتره المبكره دى وكتر خيرهم.
اعتقد كدهمفهوم اللغه اتفهم نستكمل الحديث عنها بالتفصيل ان شاء الله اذا اعجبكم مقالى الاول هذا.

25 ديسمبر، 2009

ان فتحنا لك فتحا مبينا

بسم الله الرحمن الرحيم
بطبعى محبه للتجديد باستمرار
والكثير يحب ذلك ايضا
لذا كان الهدف من انشاء مدونتى
ان ابحث عن كل ماهو جديد
وانفرد بالاجدد دائما
وبمنظار اخر ورؤيه اخرى
فيما يخص الاثار المصريه القديمه
فتابعوا مدونتى المتواضعه