اثريه ثقافيه

5 أبريل 2010

أغانى الربيع فى الحضاره المصريه القديمه.

طأت فى دماغى ان اقوم اعمل الموضوع ده .....اللى هو أغانى الربيع ...كل ما اقلب قناه الاقى الناس بتغنى ومظأططه ومهيصه بالربيع قولت مبدهاش بفى الفراعنه لازم اردلهم حقهم الغنى ده كمان اصله فرعونى ..............عرفنا فى المقال اللى فات ان المصرى القديم كان بيعتبر الربيع بدايه لخلق جديد فى الطبيعه وبعث الحياه من جديد وده طبعا غنى عن التعريف .......يعنى هما ما افتوش ولا حاجه لان دى حقيقه واقعه لا شك فيها ......وكانوا بيحتفلوا بيه احتفالا شعبيا رائعا ...ومكنش عيد الربيع ده ...عيد اكل وشرب ورقص وخلاص ........لا ده كانوا فيه اخر روقااااااااااااااااان كانوا وهما مجتمعين كده فى العيد ده كانوا يتبادلون الاشعار اللى كانت بتتغنى بالازهار وجمالها ........................اه والله اسمعوا بقى معايا ....او اقروا انتو احرار ....ولا تزعلوا عيشو معايا المقطوعات اللى هقولها دى ......دى كانت واحده من الاشعار التى كانت  يتغنى بها المحبون متغنيين بجمال الازهار والطبيعه الممزوجه بوصف الحبيبه ......لا الجو جميل  ولا الجو بديع قفلى بقى على كل المواضيع وعيشو.........
يقول المحب المصرى القديم
تأمل انها كالزهره عندما تطلع
فى باكوره سنه سعيده
ضياؤها فائق وبشرتها وضاءه
وانها تفتن بلحظه عيناها
والسحر فى حديث شفتيها
فرعاء العنق
وذراعاها تفوقان الذهب حلاوه
وأصابعها كأنها زهر البشنين هيفاء مقبله
لها ساقان تفوقان مافيها من جمال
رشيقه الحركه عندما تتبختر على الارض
تجعل اعناق كل الرجال
تثنى لتشاهدها
سعيد من يقبلها
فأنه يكون على رأس الشباب القوى
ثم ترد عليه المحبه فاستمع وهى تناجيه
ان المحبوب ينشرح قلبى بصوته
وقد جعل المرض يتملك منى
وانه جار بيت والدتى
ومع ذلك ليس فى استطاعتى ان اذهب اليه
وجميل ياولدتى ان تهاجمينى فى ذلك قائله اقصرى عن التفكير فى ذلك
تأمل فأن قلبى يتوجع عندما يتحدث أحد عنه وحبه قد اسرنى
الام:هاك انه مجنون ...مجنون
البنت :ولكنى مثله
وانه لايعرف مقدار شغفى بتقبيله
والا لكان فى استطاعته ان يرسل لوالدتى
تعال الى حتى اشاهد جمالك
وسيفرح بك الناس
وسيسرون بك ايها المحبوب
النوع ده من الاغانى ورد ذكره فى مجموعه تشستربيتى المصريه......
ودى اغنيه تانيه تحض الانسان على التمتع بمباهج الحياه
استمتع بيومك وضع العطور
وتزين بتيجان الازهار
وضع ازهار البشنين حول عنق اختك (محبوبتك)التى تحبها
وليكن الغناء والموسيقى امامك
واترك كل الالام وراء ظهرك
وفكر فى السرور الى ان ياتى
ذلك اليوم الذى تصل فيه الى ارض السكون
يعنى من الاخر منقفلهاش وننسى الهموم والمتاعب........
شوفوا بقى الحته دى .......كانت النساء يقدمون الى بعضهم الازهار لتمتع برائحتهااو يمسكن باكاليل الزهور وكل ما لذ وطاب واالنبيذ ويدعون الضيوف قائلين:....
احتفلوا باليوم السعيد بنفس مرحه
وقلب مفعم بالفرح والسرور
وضع العطور على رأسك
وارتد ماخف وهف من قماش رقيق
زين نفسك بأجمل ماتستطيع
واحتفل باليوم السعيد
لانه ما من احد اخذ معه ما يملكه
وما من احد عاد ممن ذهبوا
هكذا كان عيد الربيع عندقدماء المصريين ذى ما عبد الوهاب بيقول انسى الدنيا وريح بالك ........ ومن الاخر عيشلك يومييييييييييييييييييييييين...ياريت ياحزنبل تكملى بقيت المقطع عشان نسيته
والسلام ختام


هناك 16 تعليقًا:

د.محمد الشافعي يقول...

كل عام وأنتي بكل الخير والصحة والسعادة

حزنبل وعياله الاربعه (شكولاتس وخوخه وزئرده وميرو) يقول...

وإنت بألف خير وصحه وسلامه وعمر مديد ملئ بأزهار الربيع المتفتحه بالأمل والنجاح
وكل عام وإنت بخير
الإبنه المدلله والمتعبه
شوكولاتس

حزنبل يقول...

علشان الأزهار...أنا عملت موضوعين في المدونة للأزهار
واحد هدية لحضرتكوالتاني هدية لأخي الغالي الأستاذ باسم

حزنبل وعياله الاربعه (شكولاتس وخوخه وزئرده وميرو) يقول...

هديه مقبوله ياحزنبل ميرسي ليك وعلي ذوقك من أحلي الهدايا إنك تقدملنا مثل هذه الأزهار الرائعه غير إن إختيار ألوانها تدل علي مدي حبك وطيبتك ونقاؤك وإنت صاحب قلب كبيبر حنون
شكولاتس وباسم

غير معرف يقول...

معلهش لا مؤاخذه هو فيه فى مصر حاجه اسماها فصل الربيع؟ اعتقد انه اسؤ فصل ربيع فى العالم انا باكلمكم وانا عند\ى دور احتقان ورشح من الجو المهبب اللى مش عاوز يرسى على بر ! وطبعا الدور ده منتشر دلوقتى جدا والحساسيه عامله شغلها بين جموع الشعب اطفالا ونساء وشبابا وشيوخا وبالمناسبه انا بافكر اعمل جمعيه اسماها الربيع المصرى يا ريت تتبرعوا بالادويه اللى حتفضل منكو !
وكما قال الشاعر
الدنيا ربيع والجو بديع
قفلى يا (شكولاتس )على كل المواضيع
دكتور محمد عبد الرزاق

غير معرف يقول...

الله الله الله علي الجمال والروعه ياتوته . الفراعنه دول هما الأصل دايما متقدمين ف كل حاجه حتي طريقه الأحتفال متقدمه.بصي بقي ياحبيبتي انا هديتي ليك اول قصيده انت كتبتيها وانت طبعا هتردي عليا ببقيتها..وربنا يستر وباسم مايدعيش عليا ويحدفني من بلكونه او اي حاجه تانيه اول مايشوفني.بس هو لازم يعرف ان سمكه هي الأصل .
سمكه

حزنبل وعياله الاربعه (شكولاتس وخوخه وزئرده وميرو) يقول...

ألف سلامه عليك يادك ربنا يشفيك
كان نفسي ارحمك من تعليقي بس مش قادره أمنع زئرده من الرد عليك بهذه المقوله إللي قالها المتنبي علي ما أعتقد "نعيب زمننا والعيب فينا" ولا تعليق بعد ذلك

حزنبل وعياله الاربعه (شكولاتس وخوخه وزئرده وميرو) يقول...

عاش من شافك ياسمكه .....إيه الغيبه الطويله دي وهديتك مقبوله انا أطول
ومتخفيش باسم مش هيرميكي ولا هيحدفك ولا حاجه هو ممكن يفرمك بس
وحشاني وبلاش الغيبه دي تاني
أمووووووه

غير معرف يقول...

غصب عني والله ياروح قلبي.وانت عارفه ظروفي , بالنسبه لباسم انا عارفه انه مش هيفرمني بس لأ دا هيولع فيا كمان بس هو لازم يعرف اني لازقه امريكاني و مش بالساهل يابنتي يقدر يتخلص مني . يلا كل ربيع وانت بخير ويارب السنه الجايه يجي الربيع وانت ف بيت الزوجيه ان شاء الله . يلا اعرف يا استاز باسم اني برده ب ادعي ليكم ومش تنسي الجمايل دي
سمكه

حزنبل وعياله الاربعه (شكولاتس وخوخه وزئرده وميرو) يقول...

الله يخليك ياسموكه بس شكلها إيه اللازقه الأمريكاني دي !بصراحه أول مره أسمعها دي ذي طابع البوسطه ولا إيه
هههههه
عقبالك ياسمكه ويتمملك علي خير إن شاء الله أنتم السابقون ونحن اللاحقون

غير معرف يقول...

جامد والله رائع موووووووووووت

غير معرف يقول...

يا سلام على الكلام الرائع بجد والله جامد اوووووووووووووى يا عم الرومانسي بس عندك حق ان الفراعنه هم اول من احتفل بعيد الربيع

غير معرف يقول...

الله يا عم الرومانسى ايه الكلام الجامد دة بجد جاااااااااااااااامد قوى يا قمرى

حزنبل وعياله الاربعه (شكولاتس وخوخه وزئرده وميرو) يقول...

الله يكرمك أيا كنت
بس كان نفسي تزيل تعليقاتك بالإسم الخاص بك فهذا يزيدني شرفا
وشكر لك تشريفك مدونتي

غير معرف يقول...

ايه ياتوته فين المواضيع الجديده,انا متعوده ادخل الاقي ف مواضيع جديده,ولا انت مشغوله ف المذاكره والأبحاث,او اكيد السبب عم باسم او عم حزنبل,ولا يمكن السبب موئه ....
ياتري مين السبب?
وياتري الموضوع الجديد ايه?.
انت لو تعرفي انا اتصرفت ف الجنيه ده ازاي ودخلت عشان اشوف المدونه,كنت حطيتي موضوع جديد.
يلا شكل اللي سلفني الجنيه مش مسامح فيه.
سمكه

حزنبل وعياله الاربعه (شكولاتس وخوخه وزئرده وميرو) يقول...

اولا اللى سلفك الجنيه مسامح جدا لانه لو مش مسامح مكنش بعته ياقطه ...مفيش حد ليه سبب فى االتوقف ده غير ابحاثى المؤذيه ربنا يسهل ادعيلى بس واقترحى موضوع