اثريه ثقافيه

10 فبراير 2010

عيد الحب عند المصريين القدماء

بعد كام يوم كده هيجى عيد الحب ......قولت افكركوا......واقولقوا كمان ان كان فى عيد حب عند المصريين القدماء ................. اه كان فى عيد حب عند المصريين القدماء مستغربين ليه............هما مش بشر بردوا ولا ايه وبيحبوا بردوا....اه والله.....وبعدين ياخونا هما ديما الاصل .....بلا نقاش... لقد عرف المصريون القدماء الحب وعيده قبل ان يخترع الغرب عيدا للحب.........ويوم عيد الحب بتاع اليومين دول امتداد عنهم فى كل شىء........هو صحيح اتطور لدباديب وقلوب وحاجات خايبه كده .......لكن لسه فى الورود والازهار ........عارفين اهى الزهور دى بقى كان يقدمها المحبوب لمحبوبته.................. والحب عند الفراعنه له اشكاله والوانه ...........ايه رأيكوا نستمتع بيها سوا.......... ونتعرف على اوفى قصه حب خلال العصر الفرعونى......... والاشعار والاناشيد اللى اتكتبت عنه..........



مظاهر الحب عند قدماء المصرين.



قدرنا نعرف من خلال الوثائق والادله والنقوش المختلفه ان المصرى القديم كان بيعبر عن عواطفه ومشاعر حبه ولوعته تجاه محبوبته وزوجته والالفاظ اللى كانت على ألسان قدماء المصرين باستمرار كانت الحبيب والمحبوبة ..... وعلى فكره المصريين القدماء كانوا بيتمتعوا بعواطف جياشة ومشاعر عاطفية نبيلة جدا ..... والدليل على كلامى ده مناظر المقابر فى الجيزة وسقارة ومقابر النبلاء غرب مقابر الأقصر واللى لو زورناها هنشوف من خلالها ان المصرى القديم بيقدم الزهور لمحبوبته سواء كانت زوجته او حبيبته فى احتفالية يطلق عليها " الوليمة " علشان كده اهتموا بالزهور وقدموها للتعبير عن عشقهم وحبهم يمكن من اهم الزهور دى اللوتس وكانت أعواد اللوتس تقدم ملفوفة حول باقات مشكلة من نبات البردي ونباتات أخرى.....ذى ما بتروح لاى محل علشان يعملك بوكيه ورد مشكل كده ....وقد صور المصريون أنفسهم على جدران مقابرهم ومعابدهم وهم يشمون الأزهار في بحب وسعاده وفرحه سعداء جدا بما اعطاهوا لها محبوبه .



اجمل قصص الحب فى التاريخ.
تعتبر قصة الحب الأسطورية الخالدة بين "إيزيس وأوزوريس" من أشهر هذه القصص .......ايه رايكوا احكيها ليكوا بشكل مختصر .....القصه دى بترجع لحوالى اربعه الاف سنه قبل الميلاد تقريبا ....بطلها كان ملك عسول وطيب كان اسمه "اوزيريس" الراجل ده كان محب ومخلص لشعبه جدا وكان ملك عادل بيحب الخير وقدر يعلم شعبه الزراعه وحب الوطن وعشان كده شعبه بادله نفس الحب والاخلاص لكن ده خلى اخوه اللى كان اسمه" ست" يغير من اخوه ويحسده اصل "ست " ده كان شرانى شويه....او شويات كتير..المهم وكان عاوز عرش مصر لنفسه باى شكل......ولما لقى اخوه اوزريس الشعب بيحبه .....دبر له مكيده فأعد وليمة كبيرة وعزم اوزيريس عليها وقدم "ست" تابوت مرصع بالذهب والجواهر واعلن ست قدام الجميع ان التابوت ده هيكون من حق من ياتي علي مقاسه،وكان التابوت ده مصنوعا علي مقاس اوزوريس بالظبط ،و بدأ الجميع في الدخول فى التابوت واحد بعد واحد حتي جاء دور اوزوريس .ولما اقعد فيه أوزوريس أغلق ست وأعوانه التابوت عليه ورموه في النيل فمات أوزوريس غرقاً ......لسه الحكايه كده مش خلصت .............ولكن ايزيس اللى كانت زوجه اوزيريس مقعدتشى كده ساكته....... واقعدت تدور على جثه زوجها حتي عثرت عليها في جبيل (بيبلوس ( ولكن ست استطاع سرقه الجثه منها وقطعها إلى 14 جزءاً (وفي بعض الروايات 16 جزءاً يعنى بعدد اقاليم مصر ) وبعد كده قام بتفريقها في أماكن مختلفة في مصر ولكن إيزيس واختها نفتيس قدروا انهم يجمعوا الأشلاء دى اللى اقطعها "ست" (القطع دى يعنى)، وقدرت بسحرها اعاده الروح اليه لفتره من الوقت وولدت أيزيس منه ولداً وسموه حورس.....هتقولولى ازاى طبعا..... بالسحر و كان من الصعب جدا أن يحيا أوزوريس مثل حياته الأولى فلزم عليه أن يحيا في مملكة الموتى فى العالم الاخرو يكون ملكا فيها.


و اختفت ايزيس عن عيون ست حتي وضعت طفلها حورس وقامت إيزيس بتربية حورس في أحراش الدلتا سراً و تعاونت معها الالهه في تربيته حتي شب وصار رجلا ، بعدها عادت ايزيس بحورس الي الوادي لتطالب ست بعرش اوزوريس والذي صار حاليا من حق ولده حورس ، ودارت العديد من المعارك بين حورس و ست وقفت فيها الالهه الي جوار حورس حتي انتصر في النهايه علي ست وقد اقامت الالهه بعد ذلك محاكمه لست وقد ادانته الالهه علي ما فعل ومنحت حكم البلاد لحورس بينما اصبح ست حاكما للصحراء واعادت الالهه الحياه لاوزوريس ولكنه رفض ان يكون ملكا علي الارض وفضل ان يكون حاكما للعالم السفلي بعيدا عن الشر.



القصه دى فيها وفاء واخلاص ايزيس ماريحتش دماغها وقالت يلا اشوف غيره ........لا ضحت وبحثت عنه ووقفت امام الظلم على الرغم مما عانتهمن متاعب ..................................ياااه الوفاء والاخلاص بقى نادر قووى اليومين دول



وهناك أيضا قصة حب نفرتيتى لزوجها إخناتون الذي وقفت بجانبه رغم تغيير الديانة وذهبت معه إلى تل العمارنة رغم المعارضة وظلت بجواره وفية مخلصة رغم كل ما عانته من متاعب وصعاب ودى اتكلمت عنها فى موضوعات سابقه .

 

قصائد الشعر والغزل .

المصرى القديم ترك لنا قصائد الغزل والشعر ودى لقانها على قطع الفخار والاستروكا والقصائد دى ضمت الكثير من خلجات العشق والعاطفة ومشاعر التحفظ والاحتشام والقلق واللهفة ونجد في سطورها نضارة ورونق المشاعر العاطفية الجياشة ودى بعض المقطوعات منها



التعبير عن عواطف الحب من قلب فتاه:_



اخى الحبيب....



ان قلبى معلق بحبك .....



فاسمع لما اقول.....



انها القبله منك .....



هى التى يحيى لها قلبى......



فان انا ظفرت بها ......



فليكتب امون ان تكون لى الى الابد ......



اخى الحبيب ..اليك افضى بذات نفسى



ان الامنيه التى يخفق بها قلبى ....



هى ان اصبح قوامه على شئونك ....



وربه لدارك .....



وان تستند زراعك الى ذراعى .......



اخى ...



اذا تحول حبك عنى ....



فسأقول لقلبى ...



اين اخى .....بعيد الليله عنى



وسأكون كاننى دفنت فى قبرى



لانك انت العافيه وانت الحياه .....







*.*.*.*.*.*.*.*.*.*.*.*.



ودى مقطوعه اخرى لفتى يتغزل يفكر فى الوان من الحيل عسى ان يراها فيقول....



سأرقد فى سريرى متمارضا ...



فيعودنى جيرانى ....



وتعودنى اختى(محبوبته) معهم ......



وتضحك اختى من اطبائى ....



لانها تعرف دخيله مرضى.....



ثم يقول اذا لم تنجح حيلته حيحاول مره تانيه انه يتخفى ليدخل عند حبيبته مه زوارها وواضح انه منجحش فى ده ...فقال



دار اختى ....



ليتنى اكون على بابها ....



فان اغضب ذلك اختى



فانى على الاقل ساسمع صوتها الغاضب



وساكون امامها كالطفل يرتعد خوفا



ويقعد المحب المتيم ده مع نفسه ويسبح بخياله باننه ركب النيل الى حبيبته فاخذته نشوه الفرح .....فصار النيل فى نظره خمرا وصارت المناظر الطبيعيه تشبه سحرا صنعته الالهه.....فالغاب " البوص" المنتشر على ضفاف النيل والبردى والازهار كلها ليست نباتا وانما هى الهه تجمل الطبيعه فى عينه ...وفى اللحظه دى الاله يستجيب لدعاؤه ويتخيل مجىء حبيبته فيقول...



حينما ارى حبيبتى قادمه ..



يخفق قلبى ....وتتحرك زراعاى لتطويقها ...



واحس فى اعماق نفسى...



كأن السعاده الابديه تشملنى ...



ثم اذا دنت من حيتنى ولمستنى



وفتحت ذراعيها لى...



شعرت كان ازكى روائح بلاد بونت



تغمرنى...



ثم اذا انفرجت شفتا حبيبتى



وقبلتنى



فذلك هو السكر من غير مسكر



هفوقوابقى من الحلم ده...اكيد طبعا مستمتعين مثلما انا استمتعت ...................ولكن فى سؤال بيلح عليكوا ......ايه اختى وايه اخى ؟؟؟؟؟هما الاخوه كانو يتزوجون من بعض ولا ايه؟؟؟؟؟؟



الاجابه ...لالالالاطبعا اللفظ ده فقط كان بيدل على سمو العلاقه فيما بينهم ......ومدى الالفه والموده والتراحم فيما بينهم ....ولكن زواج الاخوه كان بيحدث بين الملوك والالهه فقط وده كان راجع لنظريه تولى العرش فى مصر فانها كانت تتم وفق من تكون فقط امه من نسل ملكى وايضا يجب ان يكون ابوه ....وده السبب اللى خلى بعض الفراعنه يلجأوا اليه وده كان لتأكيد نقاء الدماء الملكيه ولتقليل عدد المتطلعين الى العرش.............



وكانت الطبيعة ايضا شاهدا على الحب ولقاءات الأحبة فيقول المحب المصرى القديم وكأنه شجرة الرمان:



"أن حياتنا تتشابه مع أسنانها وثمارنا تتشابه مع نهديها وفى الحديقة كلها أنا أجمل الأشجار لأنني في كل الفصول أبقى أبدا أن العاشقة وصديقها تحت ظلالي يتنزهان".........



خاتم الزواج.

طبعا نفسكوا تعرفوا احنا ليه بنلبس خاتم الزواج او"الدبله " باليد اليسرى وبالخصوص فى اصبع البنصر ......هم المصرين القدماء عرفوا ده كمان .....اه



ذكر لنا عالم مصريات اسمه " سويزو"انه اكتشف نص قديم لاعداد شراب للمحبة انه كان يتم الحصول على كمية صغيرة من دم الأصبع المجاورة للخنصر باليد اليسرى واللى كان يتطابق مع الطحال وكان يسمى بإصبع القلب وبناء على ذلك يتضح لنا سبب وضع خاتم الزواج في الإصبع-البنصر-باليد اليسرى في الوقت الحالي وذلك لانه الاصبع مرتبط بالقلب والحب.



المهم اتمنى ان مقاللى يعجبكوا .. وانكوا تستمتعوا بيه ..وكل واحد يقوم يجيب لاعز واحب شخص عنده ولو وردايه تعبيرا عن حبه او انشغاله الدائم عنه او سعادته بوجوده جانبوا ...الفراعنه قدموا ورود شوف انت هتقدم ايه ..تكفى كلمه بصدق من القلب بكل معانيها ........ووكل عيد حب وانتو طيبين



انتظروا مقالى القادم........................



هناك 11 تعليقًا:

غير معرف يقول...

الحب هو الذى يميز الانسان عن سائر المخلوقات.....
فباسم الحب نزلت قطرات الندى لتروى ظمأ الازهار
وباسم الحب فاضت دموع العاشقين كالانهار
كم يساوى الحب؟
عدد خفقات قلوب المحبين حتى تنتهى السنين
عدد همسات العاشقين وعدد لمسات الحنين
عدد دموع العيون وارتجاف رموش الجفون
عدد قبلات الشفاه تحت اشجار الزيزفون
لا تسالونى عن الحب لاننى لا اعرفه
نعم لا اعرفه!
فمن يدعى معرفه الحب فقد كذب
فالبعض الحب عنده لهيب النيران
والبعض هو كالماء العذب للظمان
والبعض من الام الحب هو حيران
والبعض قد وجد طريقا فيه نشوان
وانا قد ذقت كل هذا والمزيد
فكيف اعرف الحب وانا فيه كالوليد
كل يوم اعيش فيه
كل يوم اهيم فيه
كل يوم هو حب
فكيف تسالونى عن الحب؟؟؟
دكتور محمد عبد الرزاق

حزنبل وعياله الاربعه (شكولاتس وخوخه وزئرده وميرو) يقول...

ياعيني ياعيني.......
أشكرك علي رقه وعذوبه كلماتك التي أضفت رونقا خاصا علي مدونتي .....
وواضح إنك شخصيه رومانسيه

فاطمه يقول...

موضوع ممتع جدا وعجبنتي قوي مقطوعات الشعر وإستمتعت بيها جدا
عيد حب سعيد عليك يامرمر ويارب أشوفك عروسه قريب

حزنبل وعياله الاربعه (شكولاتس وخوخه وزئرده وميرو) يقول...

والله انتى اللى عسل يابطوط ،وياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب تشوفينى عروسه قريب

غير معرف يقول...

واو ياميرو ايه الجمال ده يابنت دا انت حته سكره موضوع رائع ومناسب لوقته.الحب مش بين جنسين مختلفين وبس,موجود ذي ما هو موجود بيني انا وانت وبنحتفل بيه انا وانت كل سنه ..وعيد حب عليكي وعليا ونفضل كده علطول.
حبيبتك سمكه

حزنبل وعياله الاربعه (شكولاتس وخوخه وزئرده وميرو) يقول...

ياحياه قلبى كل سنه واحنا فى عيد حب على طول، مش عارفه اللى بالى بالك هيعملوا فينا ايه .......

د.محمد الشافعي يقول...

فعلا من جد وجد ومن زرع حصد...ومن قام علي عمله علي أكمل وجه..جزاه الله أن يخرج عمله حسنا طيبا..هذا مافعلتيه وما تفعليه دائماً...غنكي تقومي بإدعاد موضوعاتك إعداد جيد...وواضح إن هذا الأمر يأخذ منك وقتاً طويلاً..وواذح أنكي تختاري كلماتك وألفاظك بعنابة...مع أنكي تتكلمين بالعامية..إلا أنكي مقتعة إلي أبعد حد...وواضح أيضاً أنكي تملكين ثقة عالية في نفسك..وهذا شيئ طيب..حقيقي الموضوع تحفة...وينفع يكون فيلم تسجيلي او حلقة تلفزيونة عن عيد الحب...اإعدد ممتاز...وتقديم ولا أروع..وإخراج مذهل ومدهش ومبهر

حزنبل وعياله الاربعه (شكولاتس وخوخه وزئرده وميرو) يقول...

كلك ذوق
إنني أحب عملي مثل أي شخص يحب عمله ولكني أتقي الله فيه لإنه سيحاسبني علي أوقات فراغي فيما أمضيتها ...وكونك مثلي الأعلي فأنك سبب رئيسي في تعليمي الجد والعمل والإتقان والعطاء .....وطالما ما أتذكر كلماتك ان خير الناس هم أنفعم للناس ومبادئها التي تعلمتها منك.... وحينما أتناول موضوعا ما ذلك يحفزني ويعطيني تشجيعا لاتتصور مداه... صحيح إنني أتناولها بالعاميه علي الرغم من إنني أجيد الفصحي ...ولكني اري الأسلوب العامي سهلا ومناسب لأي شخص مهما كانت مكانته فضلا عن بساطه التعبير والمرح الذي قد يعطيك إنطبعا بالمرح والبهجه والضحك في بعض الأحيان ممزوجا بفكره قد تحمل في طياتها موضوعا مهما دئما ما أتمني ان تكون خفيفه وبسيطه سهله الفهم لعل ربي أن يجزيني خيرا

حزنبل يقول...

بارك الله فيكي..وشكراً ليكي علي كلامك الرقيق

حزنبل

حزنبل وعياله الاربعه (شكولاتس وخوخه وزئرده وميرو) يقول...

الله يخليك .....
بس إنت فينك ياحزنبل من مده ليك وحشه

حزنبل يقول...

أنا موجود بس أنتي عارفه بقي الأجازة ومشاغلها.هههه