كل سنه وانتو طيبين يارب تكون سنه سعيده عليكوا وعليا كلها خير ورخاء وهنا وفرح وسعاده وكلها فرفشه وزقططه كده امين يارب العالمين.
نرجع بقى لشغلنا ، شكلكوا مشتاقين وعندكوا فضول كده ونفسكوا تعرفوا هل كان فى الهيروغليفى ده حروف كده (أ ، ب،ت .....ذى اللى عندنا فى العربى علشان نقدر نكون بيها جمله؟ ولو كان فى فعلا ياترى شكلها ايه الحروف الهيروغليفيه دى؟؟؟؟؟؟؟؟
متخافوش محدش فى مدونتى هنا بحرموا من حاجه، وياريت لو اى حد محتاج اى حاجه تخص اللاثار والحضاره المصريه يقولى وان اتكلم عن الموضوع بتاعه اذا كان فى استطاعتى .
الحروف الهيروغليفيه
تعالوا معايا كده نرجع للأيام زمان واحنا صغيرين كده قبل ماندخل المدرسه بشويه كنا ،بنروح الكتاب مش عارفه ناس كتير عاصرته ولا لأ على العموم فى الكتاب ده كان بيبقى فى شيخ قبل ماكان يبدأ فى كتاب المطالعه الكتاب ده فكرته كده ازاى تعرف تنطق بعد اجتياز فتره تعليم لحروف الهجاء اللى هى (ا،ب....)
يعنى مفيش لغه من غير حروف ومينفعش تقرأ من غير ماتتعلم حروفها ، علشان تقدر تكون جمله أوكلمه لازم تبقى متمكن الاول من الحروف بمعنى ان لما شيخ الكتاب ده لما ادانا حروف الهجاء ده مكنش بيلعب ده كان بيدربنا علشان نجتاز مرحله مهمه ونعرف من خلال حروف الهجاء اللى ادهلنا دى نكون كلمه وجمله مفيده زى( ز، ر،ع) من خلال الحروف دى نقدر نطع منها كلمه زرع
طب ماتيجوا كده معايا نتعلم حروف اللغه الهيروغليفيه ذى ما زمان اتعلمنا ( ا،ب، ت ....بالعربى نتعلمها بالهيروغليفى ونشوف أجددنا المفرعنين دول حروفنا دى كان شكلها ايه عندهم
لو قدرنا نتعرف على شكل الحروف دى واجدناها كويس هنقدر نفهم ونتعلم اللغه الهيروغليفى كويس وده مهم جدا
سلام
هناك 7 تعليقات:
والله روعه..بس عاوزين ندخل بقي في الجد..ونفسي افهم يعني ايه الأشكال الغريبة دي..بط ووز وحمام وحاجات غريبة كتير..ياتري بتقروها ازاي؟؟؟
حاضر هندخل في الجد بس مدونتي تقدر تقول يافندم عباره عن سلسله متصله بعضها يعني واحده واحده وبتخاطب أي حد عاوز يفهم ويتعلم
، بالنسبه لسؤالك عن الأشكال الغريبه رجل وبطه وزه دي الأبجديه يعني (أ، ب ،ت . ) بس بالهيروغليفه أما بنقراها إزاي بنتعلمها ذي ما أتعلمنا إزاي نكتب وإزاي نقرأ
شكرا لمرورك يا أستاذي
ربنا يستر واقدر أتعلم اللغة دي عشان نفسي أدخل عجلة الزمن واضبطها علي عصر إخناتون وأعيش فيه شوية عشان أعرف بالظبط الراجل دا كان بيعمل ايه...وأروح شوية في عصر خوفو وأحضر افتتاح الهرم وأحضر أوبرا زليخة الهابله..وكمان أروخ عهد رمسيس الاثني والثالث كمان...
هتقدر تتعلم اللغه دي لما تقدر تجيد نطقها وشكلها ورسمها وده بعد تدريب مفيش حاجه بتيجي بالساهل
يعني هي سهلة ولا صعبة..طيب هي قريبة من الصيني ولا الياباني..أقصد كلها صور وخلاص ولا فيها كمان نحو وصرف..وفيها اصوات للكلمات زي الياباني ولا هي كتابة صامته..بصراحة أنا حاسس إنها صعبة عليا قوي..
أنا نفسي أتعلم كتابة سمعت عنها..اسمها الهيراطيقي..بيقولوا انها حلوة قوي..وسهله..
حزنبل عندك حق الهيراطي أسهل هيريحك علي الآخر بس بردوا ياحزنبوله ياحبيبي لازم تجيد العلامات الهيروغليفيه كويس جدا بالدلاله التصوريه إللي هي شكلها وبقيمتها الصوتيه إللي بتنطق بيها وسيبك من الصيني واليباني وخليك في لغه حضارتك أحسن وإنتظر المقال الخاص بالهيراطيقي
إرسال تعليق